Este mes de febreiro comezaron a funcionar as mochilas viaxeiras para todos os niveis de Primaria. Cada mochila conterá varios libros: un que lles ensinará a mellorar a convivencia, outro libro de experimentos, un libro vinculado coa música, outro de información sobre o tema que se está a tratar na súa clase e outro de inglés.
Cada familia terá a mochila durante unha semana e nun caderno viaxeiro expoñerán as súas vivencias coa lectura e un dato importante é que as familias proporán melloras de cara ao vindeiro curso que serán tidas moi en conta.
