O tempo de lecer sempre é un tempo moi agardado por todos os alumnos/as. Observalos neste intre permite contemplar a maxia da infancia; unha etapa vital na que a inocencia, a vitalidade, a ilusión, a curiosidade e a alegría, podería dicirse que acadan a súa máxima expresión.
A biblioteca escolar do noso colexio leva xa moito tempo conseguindo ser un lugar de encontro, de tempo e actividades compartidas. Non obstante, ás veces estes momentos merecen ser fotografados para que o seu recordo quede inmortalizado, acadando o verdadeiro valor que teñen.
Así, deixámosvos unhas imaxes dun venres, un día calquera. Emocionantes, falando por sí soas, sen dicir palabra. Nenos e nenas compartindo tarefas, xogos, lecturas, pesquisas; momentos, emocións, sentimentos.... Enriquecedor, sen dúbida.
No hay comentarios:
Publicar un comentario