23 FEBREIRO
DÍA DE ROSALÍA DE CASTRO
Rosalía de Castro naceu o 23 de Febreiro de 1837. Foi unha poeta e novelista galega moi importante porque, nunha época na que estaba mal visto falar galego, ela seguiu escribindo neste idioma conseguindo rescatalo como lingua oficial de Galicia.
Entre as súas grandes obras destacan" Cantares Galegos", "Follas Novas" e " En las orillas del Sar".
Cabe sinalar que os seus poemas son tan famosos que ata se coñecen en países coma Rusia, Uruguay e Venezuela. Sabíadelo?
De feito, están traducidos ao francés, ao ruso, ao alemán....e ata ao xaponés!!!!
Todos os nenos/as do cole participaron hoxe nunha fermosa homenaxe á escritora para conmemorar o seu día.
Partindo do libro, Uxía, Rosalía pequeniña, (que, por certo, tedes a vosa disposición na biblioteca)
cantaron poemas musicados recollidos nel e que podedes escoitar a continuación. So tedes que premer en cada un dos enlaces. A gozar!
4º, 5º e 6º de Ed. Infantil: Has de cantar!
1º Ed. Primaria: No bico un cantar.
2º B. Ed. Primaria: Maio longo
6º Ed. Primaria: Falares de amor.
Xenial, rapaces e rapazas!! Moitas grazas a tod@s!
ENCONTRO ESPECIAL
Xuntar varias xeracións so pode enriquecer a ambas, tanto a nivel cognitivo como a nivel emocional. Hoxe algún dos nenos/as que participan como Voluntarios/as no programa de Bibliotecas Solidarias tiveron o privilexio de coñecer a Mª Carmen, unha persoa fabulosa, moi xenerosa, loitadora, chea de viviencias, moi sabia e cun don inigualable para a pintura.
A súa acollida no centro Residencial Santa María de Meira foi moi familiar e cálida. Neste encontro contounos como foi a súa infancia especialmente no ámbito escolar, momentos que lle marcaron e que xamais esqueceu, cales foron os seus contos e libros preferidos... Tamén nos describiu a estupenda familia que creou, como foi a súa vida laboral e a súa gran paixón: a pintura.
Este foi o 1º encontro dunha actividade que titulamos " Códices Vivos", onde os nenos/as a partir destas xuntanzas reflexionarán sobre a evolución dos tempos e farán unha análise de todo o aprendido.
Infinitas grazas a Mª Carmen por brindarnos a oportunidade de aprender dende a experiencia e a emoción; e a Laura e Tania, pola organización e colaboración en todo, sen elas tampouco sería posible.
O vindeiro mes volveremos a xuntarnos para coñecer máis mulleres cheas de bondade e sabedoría !
DÍA MUNDIAL DA RADIO
Hoxe, 13 de febreiro, como non podía ser doutro xeito para conmemorar o DÍA MUNDIAL DA RADIO, compartimos podcasts gravados na nosa radio escolar, unha actividade que os nenos/as acollen como moitísimo entusiamo e ledicia, xa que iso de convertirse en locutores/as por un día é tan, tan gratificante...!
Temos propostas de radio moi diversas e enriquecedoras: Audiocontos con Xalín, Os venres musicais, Podcasts de presentación de Instrumentos Tradicionais Galegos, un obradoiro de Ponte nas Ondas!
Algúns deles podedes escoitalos a continuación.... A ver se sodes capaces de recoñecer as voces! Estade moi atentos/as que nas vindeiras semana teremos novos podcasts!
UN DÍA ESPECIAL CON ANA MEILÁN
Pero... agora estamos intrigadísimos/as de cómo
continuará a 2º parte....!
Mil graciñas á autora e tamén graciñas a todas as familias que nos acompañastes neste
día de conto. A lectura sempre é un
planazo e, en familia mellor!
Aquí vos deixamos unhas fotos do día... UN PLANAZO,
non sí?
E-LBE.2
LECTURA E FAMILIAS DE 5º E 6º EDUCACIÓN PRIMARIA
As bibliotecas escolares dos centros educativos de titularidade da Consellería, integrados no PLAMBE, como é o caso do noso centro, contan cun novo servizo, E-LBE. 2.
Trátase dunha plataforma de lectura e préstamo de contidos dixitais dispoñibles para ler en pantalla, en todo tipo de dispositivos (computador e distintos móbiles) en calquera momento e lugar. O alumnado de 5º e 6ºde Ed. Primaria , xa ten as súas credenciais persoais e xa están facendo uso deste recurso máis que complementa á biblioteca física do centro.
Mañá, 11 de febreiro de 18:00 a 18:45 a Consellería ofrece unha formación on-line para as familias. Se podedes non perdades a ocasión e inscribídevos!
Feliz lectura!
CONVIDÁMOSVOS A TODAS AS FAMILIAS A ASISITR A ESTA XORNADA DE LECTURA EN FAMILIA E ACOMPAÑAR ASÍ AOS VOSOS NENOS/AS NESTA EXPERIENCIA, SEN DÚBIDA, ENRIQUECEDORA E INESQUECIBLE.
HABERÁ TRES SESIÓNS DIFERENTES, EN FUNCIÓN DA OBRA E DA IDADE DO ALUMNADO.
SO TEDES QUE INSCRIBIRVOS NO SEGUINTE ENLACE PARA TER NÓS UNHA PREVISIÓN DO AFORO E ASÍ ORGANIZARNOS MELLOR. ESPERÁMOSVOS!
Nada como voltar destas curtas, pero intensas, vacacións de Entroido e recibir este marabilloso agasallo lector que nos fai Ana Meilán"...
