lunes, 24 de mayo de 2021
Cada acción que facemos co corazón ten eco en todo o universo e hoxe estamos de noraboa. Todo a dedicación do noso alumnado voluntariado que participou nas Bibliotecas Solidarias foi recoñecido e premiado, tal e como se recolle na Resolución do 18 de maio de 2021 relativa á convocatoria de Dirección Xeral de Centros e Recursos Humanos de 16 de novembro (Bibliotecas Escolares solidarias), ampliada pola resolución de 5 de abril de 2021, en referencia ás iniciativas denominadas SELO "BIBLIOTECA ESCOLAR SOLIDARIA" e " VOLUNTARIADO DE LECTURA-A. (Primaria) correspondente ao curso 2020/2021.
Deste xeito, aos nenos e nenas concedéselle o privilexio de gozar e crear nun obradoiro de biblioteca creativa "E- téxtiles e novas tecnoloxías creativas" o día 8/6/2021 que se desenvolverá na xornada lectiva cotiá do cole.
Xalín non pode estar máis orgulloso de todos os rapaces e rapazas participantes e agora só vos pide que vos preparedes ben para divertirvos a tope creando.
PARABÉNS A TOD@S!
domingo, 9 de mayo de 2021
27 DE MARZO
DÍA MUNDIAL DO TEATRO
O 27 de Marzo conmemorouse o día Mundial do Teatro. Xalín, que é un namorado deste xénero literario, convidou aos nen@s a que se animasen a rememorar esta data lendo unha obra, é dicir, como teatro lido. A proposta foi moi ben acollida, e Xalín non cabe en sí de ledicia polos beneficios que reporta esta actividade no desenvolvemento: da creatividade, das habilidades sociais, da expresión verbal e corporal, da memoria, da dicción....
Agardamos que gocedes tanto escoitando estas magníficas obras como o gozaron os seus actores e actrices!!!
Grazas rapaces e rapazas!!
Suscribirse a:
Entradas (Atom)
23 ABRIL - DÍA DO LIBRO
23 DE ABRIL, DÍA DO LIBRO, CITA EN FAMILIA CO CÓMIC. Cada 23 de abril conmemorase o Día Mundial do Libro para promover o desfrute dos lib...