CLUB DE LECTURA: LEO, LEO...QUE LES?

CLUB DE LECTURA

Xalín aínda ten na memoria a todos os/as lectores/as do  Club de Lectura do curso pasado e non quixo perder a oportunidade de lanzar a invitación para acoller na súa casa a todos os nenos/as aventureiros/as que este ano desexan continuar ou comezar a  compartir lecturas, experiencias e momentos arredor dunha  gran historia.

Porque... detrás de cada unha desas historias alguén tivo que tomar a fabulosa decisión de crear ese mundo, ás veces real, ás veces imaxinario;  elexir as palabras e decidir o destino das personaxes. Un reto moi intenso pero tamén moi gratificante. Todo autor/a se sente reconfortado/a cando conecta coa persoa lectora e esta non para de devorar os libros, perdendo a noción do tempo. Non hai mellor recompensa. 

E así foi como nesta última semana a campaña de formación de Club rematou. Acabaremos de preparar a maleta e rumbo á...... lectura!

Estade moi atentos/as!

A VIAXE CONTINÚA! BENVID@S! RUTA 26-27

PRÓXIMO DESTINO....GALICIA!

 Xalín regresou das vacacións coa ilusión de volver a acompañar a aprendizaxe de todos os nenos e nenas mentras goza da ledicia desbordante, dos xogos compartidos, das risas espontáneas e do balbordo cheo de vida que xeran os cativos/as cando son felices. 

Este ano convídanos a quedarnos pretiño, a admirar e estudar a paisaxe galega, reflexo dun pacto milenario entre terra, mar e humanidade. Impúlsanos a poñer en valor o noso patrimonio material e inmaterial, dende os castros, as lendas, a música... cada elemento conta  a historia dun pobo único, irrepetible.

Temos moito que informarnos sobre a nosa Comunidade porque ten moito que ofrecernos. Así que, tal como nos adianta o cartel de Bibliotecas Escolares de Galicia,  da información ao coñecemento! Coñezámola a fondo!