NOVEMBRO,
MES DA CIENCIA EN GALEGO NAS BIBLIOTECAS ESCOLARES
O futuro é ciencia, é investigación e desenvolvemento. Dende fai uns anos novembro é o mes escollido para fomentar a experimentación científica a través da lingua galega. Dous exemplos xeniais disto foron os experimentos levados a cabo polo alumnado de 1ºA: A VIAXE DOS XERMES e polo alumnado de 5º: A VEXIGA NATATORIA DOS PEIXES.
Por un lado, en 1º investigaron como pasan os xermes que poidamos ter nas mans aos alimentos e destes ao interior do noso corpo a través da súa inxesta. Aprenderon así, entre outras moitas cousas, a vital importancia do lavado de mans antes de manipular a comida no día a día. Finalmente, como bos científicos/as recolleron todas as súas hipóteses, procedementos e conclusión nun libriño.
Pola súa banda, en 5º, indagaron sobre que é e cómo actúa a vexiga natatoria de moitos peixes óseos. Tamén completaron todo o proceso, dende a formulación de hipósteses, o procedemento e as conclusións achadas, experimentando con globos para simular este órgano. Non había mellor maneira de complementar o traballo sobre os animais de Ciencias da Natureza que convertíndose en científicos/as.
Noraboa a todos/as polos vosos marabillosos experimentos!
