I ENCONTRO MULTICULTURAL - LECTURA E FAMILIAS

I  EXPO UNIVERSAL

ENCONTRO MULTICULTURAL

LECTURA E FAMILIAS

Viaxar abre a nosa perspectiva cara ao mundo que nos rodea, fomenta a tolerancia e permítenos experimentar de primeira man tradicións, linguas, gastronomía... un patrimonio que as veces non valoramos como se debería. 

Así que...que mellor que as persoas nativas deses lugares nos ensinen a súa cultura? Foi así como xurdiu a proposta de pedir colaboración ás familias chegadas doutros países e continentes. Finalmente, grazas a súa xenerosidade, implicación e dedicación conseguimos organizar un encontro moi enriquecedor e educativo. 

Deste xeito preparamos no centro 6 espazos, 6 stands, un por continente polos que en grupos ían pasando e sellando o seu pasaporte, como bo/a viaxeiro/a. Trasladámonos así  por, Marrocos (África), Venezuela, Cuba e Colombia (América), Portugal (Europa) e China (Asia) con guías turísticas marabillosas, as familias do alumnado do centro nativas neses países. 

E, como tiñamos que dar a volta ao mundo á Antártida e a Oceanía tamén había que ir!! Por suposto, conseguímolo!  Grazas a dúas mestras xeniais do cole, Sonia e Rocío e a nenos/as de 5º que participaron en parte da presentación. 

Coñecemos así diferentes linguas, moedas, bandeiras, platos típicos, traxes, instrumentos, animais, hábitats, tradicións, tipos de casas....e fixemos experimentos con luz, azucre, grans de café,  papiroflexia, escritura en árabe, arte de puntillismo aborigen, decoración do galo de Barcelos, tatuaxes de "henna"...

Unha xornada para repetir...sen dúbida! En nome de todo o centro o noso máis sinceiro agradecemento ás familias e profes polo voso compromiso! E, por suposto, aos nenos/as;  foron uns/unhas turistas súper curios@s, respectuos@s e agradecid@s. 

Aquí vos deixamos unhas fotiños!

ÁFRICA-MARRUECOS

 

EUROPA-PORTUGAL

ASIA CHINA

AMÉRICA- COLOMBIA, CUBA E VENEZUELA

     

OCEANÍA

+

     

ANTÁRTIDA

VOLUNTARIADO- PODCAST ANTÁRTIDA

                                                                 ANTÁRTIDA                                         

Parte do alumnado voluntario que participa no programa Bibliotecas Solidarias estivo traballando durante o curso na elaboración e gravación dun audio que recolle a viaxe á Antártida. 

Aquí vos deixamos imaxes da gravación na Radio Escolar e, por suposto, como non podía ser doutro xeito....O PODCAST!!! Non volo podedes perder!

ENLACE AO PODCAST!

LECTURA E FAMILIAS- LYDIA BOTANA

"DE AQUÍ PARA ALÁ"

Rematamos unha semana intensa, cargadiña de actividades. Hoxe, 5 de xuño tivemos o pracer de poder contar con Lydia Botana, quen a través da súa obra De aquí para alá nos convidou a viaxar polo mundo ao son de diferentes músicas e instrumentos. Aspectos culturais moi enriquecedores que definen cada parte do planeta e o converten en especial e única. 

Así gozamos co acordeón, co piano, cas claves, cas maracas, ca calimba ...e bailamos ao son da samba, por exemplo. Un divertido e apaixonado percorrido con Bolboreta polas danzas que moven ás persoas de todos os continentes. 

Foi unha actividade organizada para nenos/as e familias, dentro do programa  Lectura e familias, que por cuestións de aforo se desenvolveu na Casa da Cultura da nosa vila. 

Mil graciñas a Lydia e a Vivi, por conducirnos polo marabilloso mundo da cultura musical, do patrimonio inmaterial que nos arrodea e nos alegra a vida. 

ENCONTRO COA AUTORA- EVA MEJUTO

ENCONTRO CON EVA MEJUTO

Hoxe, 1 de xuño, tivemos a visita de Eva Mejuto no cole,  autora de dous libriños que limos no Club de Lectura, Queco e Kika  e  O día que choveron gatos. Contounos en que se inspirou para escoller os títulos, os nomes dos diferentes personaxes e mesmo adiantounos que haberá 2º parte de cada un deles. Ademais respondeu a moitas preguntas xa de índole máis persoal como escritora. Así, sabemos que madruga moito para atopar o momento ideal, creativo e tranquilo e que prefire apoiarse nas novas tecnoloxías á hora da escritura aínda que as notas e apuntes sempre moito mellor á man. 

A sesión pasouse rapidísimo e quedáronnos inquedanzas pero quen sabe...se en vindeiros cursos volveremos a ter ocasión! Estaremos pendente  da 2º parte, de cada un deles! 

Graciñas, Eva!

CLUB DE LECTURA - SCAPE ROOM

A CIDADE DO ÁTOMO- 

                         SCAPE ROOM                        

O alumnado de 5º e 6º participante no Club de Lectura enfrontouse ao gran reto dun " scape room"  na biblioteca. Tiñan que conseguir descifrar todas as pistas dun xeito colaborativo no grupo. Enigmas e misterios que so podían resolverse mergullándose de novo no libro A cidade do átomo, de Iria Misa que tanto os atrapou. 

As imaxes amosan a sesión intensa de investigación que tiveron que facer os distintos axentes dos equipos: Lena, Svetlana e Máscara. Non hai nada que se lles resista a estes/as investigadores!

Noraboa rapaces e rapazas!