O RADIOVISUAL DO PATRIMONIO

 O vindeiro 6 de maio alumnado do noso centro educativo, vinculado coa Ribeira de Piquín, participará   nun proxecto " O Radiovisual  do Patrimonio";  unha iniciativa cultural e educativa impulsada pola Asociación Cultural e Pedagóxica Ponte...nas Ondas! en colaboración con Casa de Tolos! 

Non volo podedes perder! 

ENCONTRO COA ESCRITORA: IRIA MISA

CLUB DE LECTURA

ENCONTRO COA ESCRITORA: IRIA MISA

Poucas cousas hai tan máxicas como ler un libro que te atrape e despois ter a sorte e o privilexio de coñecer a súa autora. Por iso, estes días vivimos o encontro con Iria Misa coma un verdadeiro agasallo.

 Os nenos/as pertencentes ao Club de Lectura do cole... Leo, leo...que les? leron este curso dúas obras desta escritora. Por un lado, 3º e 4º de Ed. Primaria, leron Unha veciña de película e 5º e 6º, A cidade do átomo. 

Así, estaban moi ilusionados/as e tamén intrigados/as por moitas das cuestións que arrodean a estas dúas obras literarias e, porque non dicilo, por coñecer a Iria dende o seu lado máis persoal. Ela entregada resolveu todas as dúbidas e curiosidades. Cabe destacar o impacto e interese que tivo para os nenos/as descubrir o acontecido o 26 de abril 1986 coa explosición da Central Nuclear de Chernóbil. 

As lecturas achégannos á historia, á memoria e tamén son excelentes fíos condutores para a reflexión e para  destapar  unha realidade que ás veces nos negamos a ver. 

Infinitas grazas;  Iria Misa. 

VOLUNTARIADO- BIBLIOTECAS SOLIDARIAS

Hoxe deixamos por aquí algúns momentos e actividades das persoas voluntarias da BE no seu día a día; implicadas e entregadas. 

Por exemplo, podemos ver ensaios do conto " A que sabe a lúa?"  co que deleitarán aos máis pequeniños/as da Escola Infantil da vila; momentos de apadriñamento lector cos máis pequenos/as do propio centro na casiña de Xalín, nun período de lecer ( como todos os xoves e martes neste trimestre) e  un cartel preparado por eles para a conmemoración do Día da Poesía, da auga e da árbore. 

   

 

 

Graciñas pola vosa colaboración altruísta, rapaces e rapazas.