25 DE NOVEMBRO DÍA CONTRA A VIOLENCIA DE XÉNERO

Amar é ante todo respectar, dar ás para voar e motivos para quedarse;  camiñar en paralelo perseguindo soños, sumar mais nunca restar. Aceptar e respectar que cada un ten dereito e liberdade para escoller a súa felicidade é un obxectivo  que so a través da educación esperemos algún día poidamos acadar de verdade. Homes e mulleres debemos aprender a convivir compartindo sorrisos, en ningún caso, provocando bágoas. 

Para que algún día se acabe todo este pesadelo, alumn@s e mestr@s manifestámonos o 25 de novembro. No acto os nenos/as de 5º alzaron a súa voz por todos nós lendo un manifesto de  rexeitamento ante calquer forma de violencia e convidádonos a todos á reflexión para un cambio real. 

Así mesmo, todas as aulas participaron na elaboración dun mural conmemorativo froito da lectura e análise común do libro  Nin un biquiño á forza de Marion Mebes. Bicos e palabras encheron esta obra cun único obxectivo: loitar para que a violencia de xénero chegue, dunha vez por todas, ao seu fin.

Aquí podedes ver o acto de manifestación: 

NUNCA MÁIS!!!

 

   MES DA CIENCIA CON XALÍN

 Aos nen@s, dende o momento do seu nacemento, móveos a curiosidade  e a necesidade de experimentar. A ciencia permite alimentar esa curiosidade á vez que facilita aprendizaxes moi valiosas e significativas. A través dela poden facer observacións, recompilar informacións, formular preguntas e usar o pensamento lóxico para sacar conclusións. 

NOVEMBRO é o mes da Ciencia e Xalín non quixo perder a oportunidade de convidar a tod@s os máis peques a deixarse levar pola maxia da ciencia. 

A invitación foi acollida con moito entusiasmo e para proba deixámosvos un vídeo resumo das  formidables experimentacións levadas a cabo grazas a participación activa de tod@s. 

Animádevos a convertirvos toda a familia en científic@s ! Hai todo un mundo por descubrir!

Club de Lectura

 

                    CLUB DE LECTURA: LEO, LEO....QUE LES?

 

Camiña sempre pola vida como si tiveses algo novo que aprender e faralo. 

Vernon Howard.

 

A entrada do novo ano trouxo consigo novos propósitos e horizontes.

 Entramos así no 2022 dándolle a benvida ao club de lectura LEO, LEO...QUE LES? 

As primeiras sesións, as citas inaugurais, dos grupos de 3º, 4º , 5º e proximamente 6º espertaron no alumnado un amplo abano de emocións e sentimentos positivos; dende a ilusión, a intriga, a esperanza, pasando pola maxia e a curiosidade ata a atracción e motivación pola lectura. 

Neste senso, cabe destacar que un club de lectura reporta innumerables beneficios: 

- Ler en compañía divirte, multiplica os matices e expande horizontes. 

- Fainos coñecer diversos puntos de vista, potenciando a empatía.

- Ábrenos os ollos fronte a xéneros literarios que tal vez non nos asomaramos por iniciativa propia. 

- Permite aprender e desenvolver habilidades sociais e comunicativas para a vida persoal. 

Son tanto, deste xeito, as vantaxes que ofrece como as actividades que nel se poden desenvolver. Deixámosvos coa reportaxe gráfica das sesións de apertura do CLUB.  (Fai clic no enlace)

 Club de Lectura: 3º As viaxes de Ruki. 

Club de Lectura 4º: Pan con chocolate

Club de Lectura 5º: Douche a miña palabra. 

Lembrade que mensualmente irémosvos contando novos capítulos desta fascinante aventura. 

Deica logo!!

  A paixón polos libros fainos a todos/as máis soñadores, creativos, empáticos e sobre todo máis libres e felices. 

Non hai maior pracer que abrir un libro e quedar enfeitizado, perdendo a noción do tempo namentres devoramos páxinas e páxinas creando ata lazos de amizade e afinidade coas personaxes.

Espertar sentimentos e facernos voar é un poder ao alcance de moi poucos medios hoxe en día. 

Que o noso alumnado participe con tanto afervoamento na escolla das novas adquisicións para fondos de Plambe e Biblioteca Inclusiva é o maior orgullo que Xalín pode e poderá sentir xamais. 

Noraboa rapaces e rapazas! Agora deixádevos levar; agárdanvos irrepetibles viaxes!

  XALÍN RECIBE UNHA VISITA MOI, MOI ESPECIAL

Xalín ten dúas grandes afeccións: a lectura e os nenos/as.  Sempre está desexando que pasen os meses estivais para  convidar a todo o alumnado  á súa casiña porque lle encanta sentirse arroupado polos peques do cole. 

Pero diríamos que hai unha visita coa que se derrite completamente cada ano:  a 1º vez que os nenos e nenas de 3 aniños o van ver, e polo tanto, se coñecen mutuamente. É tanta a emoción que o embarga que  tarda uns días en recuperarse e non pode resistirse a darlles un agasallo para que volvan  canto antes. 

As fotografías teñen o poder de facer que os momentos especiais poidan perdurar no tempo á vez que permiten ser compartidos. Así que, aquí vos deixamos unhas cantas dese día moi especial para ambas partes.  O sorriso dos máis peques non dá lugar a dúbidas, unha experiencia inesquecible !!!

Ata moi prontiño!

LECER CON XALÍN

 A biblioteca escolar é un elemento esencial de calquera estratexia educativa que persiga o desenvolvemento integral dunha persoa.  Dinamizar todos os seus recursos, especialmente nos tempos de lecer,  é un dos retos que con máis ilusión afrontamos. 

Ver aos nosos nenos/as gozar e aprender mentras experimentan, aprenden e socializan é das experiencias máis enriquecedoras que vivimos estos días coa apertura da biblioteca do noso centro escolar.

 Observar como espremen o tempo ata o último minuto é o gran sinal do éxito da acollida de todas as iniciativas que propoñemos para estes momentos: lectura, xogo, creación, debuxo....

As imaxes falan por sí soas.... 

Lembrade que Xalín espéravos sempre cos brazos e as portas abertas!

   FELIZ VOLTA AO COLE!!!

"Nós temos a palabra" foi o lema co que inauguramos este prometedor curso escolar 2021/2022. Xalín convidou aos nenos e nenas a participar nesta iniciativa, reflexionando sobre a importancia e o valor da palabra, e da oralidade no seu conxunto.

  A palabra permítenos ás persoas entendernos, expresar sentimentos, empatizar, socializar, debatir.... sendo así a linguaxe unha ferramenta imprescindible para cambiar o mundo. Non cabe dúbida, por tanto, que a biblioteca escolar é un espazo social de encontro para o diálogo, o pensamento, a imaxinación e a aprendizaxe compartida.

Perseguindo este obxectivo os nenos e nenas plasmaron nun mural colectivo palabras significativas cargadas de emoción, sinceridade, realidade e ilusión.

Aquí vos deixamos a marabillosa obra artística!!

 

E antes da despedida compartimos con todos e todas vós a preciosa ilustración do artista visual, Pablo Otero, cartel que acompaña ao lema das Bibliotecas Escolares de Galicia "A biblioteca escolar ten a palabra".  Iniciativa da que partimos e lema que compartimos.

 

 

Ata pronto!!!

INGLÉS 4 ANOS

 NUMBERS 1-3

NUMBERS 1-3 SONG

NUMBERS 1-5

NUMBERS 1-5

HELLO SONG

INGLÉS 3 ANOS

 HELLO SONG

HELLO WITH MATT

NUMBERS SONG 1-3

NUMBERS 1-3

INGLÉS 2º

 WELCOME TO SCHOOL😃

SONGS

•  HELLO SONG
•  NUMBERS 1-10

• NUMBERS 1-20
  

• NUMBERS 1-10
  

• HOW ARE YOU
  

• NUMBERS ACTIVITY
  

• NUMBERS REVIEW
  

• COLOURS REVIEW ACTIVITY
  

• WRITE THE COLOURS ACTIVITY
  

• COLORS REVIEW ACTIVITY
  

Inglés 1º

 WELCOME TO SCHOOL😄

HELLO SONG

DAYS OF THE WEEK SONG

NUMBERS 1-10

NUMBERS 1-20

HOW ARE YOU TODAY?

COLORS ACTIVITY

 ALIMENTACIÓN SAUDABLE

 HORTO ESCOLAR

  Despedimos este curso presentándovos as fichas técnicas elaboradas polo alumnado a partir das investigacións  sobre algúns dos produtos  plantados no noso Horto Escolar: chícharos, leitugas, patacas, perexil, amorodos... 

Os nenos e nenas mimaron con paixón todas as súas plantacións, acompañando o seu  crecemento con moitísima ilusión. Ademais traballaron en equipo, amosaron interese no coidado do medio ambiente e reflexionaron sobre a importancia da alimentación sa e equilibrada.

  

Sen dúbida, foi un proxecto reconfortante con moitas vantaxes e beneficios para toda a comunidade educativa e que continuaremos, co mesmo entusiasmo, o vindeiro curso. 

FELIZ E SAUDABLE VERÁN PARA TOD@S!

    

 

                        LIBRO PRESENTACIÓN DO NOSO COLE Á ESCOLA INFANTIL "VERMIÑO"

 E PEQUELECTURAS.

Como broche final para este intensísimo curso o alumnado de Infantil e 6º de Ed. Primaria preparou  dúas fermosísimas obras artísticas para compartir e adicar á Escola Infantil " Vermiño".  

Por un lado, @s peques de Infantil encargáronse de presentar o noso cole e as actividades desta etapa e, por outro,  os alumn@s de 6º preparon unha obra teatral de monicreques " A horta de Simón". 

    

  

         (Fai clic na portada) 

Brindemos polo agarimo, pola ilusión e por esa benvida adelantada!!  

No CEIP Plurilingüe Poeta Avelino Díaz esperámosvos coas portas abertas de par en par e os corazóns ansiosos por compartir  momentos de felicidade xunt@s!  

 

                      PREMIO: " E-TÉXTILES E  NOVAS TECNOLOXÍAS CREATIVAS"

O pasado martes, 8 de xuño, o alumnado de 5º e 6º gozou cun sorriso de orella a orella do seu merecidísimo premio; outorgado pola súa participación como voluntariado nas Bibliotecas Escolares. 

Neste obradoiro, realizaron actividades STEAM, xogos e retos educativos que unen a tecnoloxía, a inxenería, a arte e creatividade e as matemáticas ao tempo que permiten o traballo en equipo e a resolución de problemas.   

O desenvolvemento da xornada foi un éxito total, so hai que verlles as cariñas😊 ... Mirade, mirade!!! 

Primeiro, presentámosvos ao alumnado de 5º, que se enfrontou ao reto de deseñar e programar un Robot Mariño, coa axuda de programas de robótica e placas, cables...

Ademais tiña que pensar en posibles utilidades dos mesmos, combinando a robótica coa Educación Ambiental.   

Non pestanexedes que volo perdedes! 

  E por outra banda, o alumnado de 6º atreveuse a crear circuítos coas placas "Makey- Makey" simulando mandos de videoxogos, ademais de conseguir TOCAR O PIANO NUN FOLIO!!! Para iso empregaron unha aplicación dentro de Scratch, cables, a placa Makey-Makey e un lapis ( material condutor)...

 Non hai desafío que non consigan estes atrevid@s nen@s!!!

Noraboa rapaces e rapazas!!!!

Mil grazas Paola Guimerans por enriquecernos a vida a tod@s, a  alumn@s e  a mestr@s con novas aprendizaxes.

  

Cada acción que facemos co corazón ten eco en todo o universo e hoxe estamos de noraboa. Todo a dedicación do noso alumnado voluntariado que participou nas Bibliotecas Solidarias foi recoñecido e premiado, tal e como se recolle na Resolución do 18 de maio de 2021 relativa á convocatoria de Dirección Xeral de Centros e Recursos Humanos de 16 de novembro (Bibliotecas Escolares solidarias), ampliada pola resolución de 5 de abril de 2021, en referencia ás iniciativas denominadas SELO "BIBLIOTECA ESCOLAR SOLIDARIA" e " VOLUNTARIADO DE LECTURA-A. (Primaria) correspondente ao curso 2020/2021.

Deste xeito, aos nenos e nenas concedéselle o privilexio de gozar e crear nun obradoiro de biblioteca creativa "E- téxtiles e novas tecnoloxías creativas" o día 8/6/2021 que se desenvolverá na xornada lectiva cotiá do cole. 

Xalín non pode estar máis orgulloso de todos os rapaces e rapazas participantes e agora só vos pide que vos preparedes ben para divertirvos a tope creando. 

PARABÉNS A TOD@S!

27 DE MARZO 

  DÍA MUNDIAL DO TEATRO

O 27 de Marzo conmemorouse o día Mundial do Teatro. Xalín, que é un namorado deste xénero literario, convidou aos nen@s a que se animasen a rememorar esta data lendo unha obra, é dicir, como teatro lido. A proposta foi moi ben acollida, e Xalín non cabe en sí de ledicia polos beneficios que reporta esta actividade no desenvolvemento: da creatividade, das habilidades sociais, da expresión verbal e corporal, da memoria, da dicción....

Agardamos que gocedes tanto escoitando estas magníficas obras como o gozaron os seus actores e actrices!!!

Grazas rapaces e rapazas!! 

DÍA D@ NEN@- 26 DE ABRIL

Hoxe, 26 de Abril, conmemórase o día d@ Nen@, un día para recoñecer e aplaudir a capacidade de superación e resiliencia dos nosos heroes e heroínas. 

O 26 de Abril de 2020, fai 365 días,  @s nos@s peques puideron volver a saír ás rúas, enchéndoas de vida e da ledicia contaxiosa que provoca a algarabía da infancia. 

Por iso, nesta xornada non podíamos deixar de homenaxeal@s, e non atopamos mellor maneira de facelo que a través do xogo:  o xogo como oportunidade para medrar cun sorriso perenne...porque como xa pintaban nos seus arcos da vella, deberiamos mirar o mundo a través dos ollos dos máis pequen@s coa mesma inocencia, esperanza e ilusión!!

Aquí vos deixamos unhas fotiños e vídeos destes fermosos momentos vividos, tanto no pavillón coma no espazo maker da biblioteca escolar.

 Grazas por ensinarnos tanto!!!

 23 de ABRIL- DÍA INTERNACIÓNAL DO LIBRO

Xalín amenceu neste importante día, o DÍA INTERNACIONAL DO LIBRO, cunha gratísima sorpresa:  recibiu 2 extraordinarios agasallos, dúas obras magníficas. 

Como sempre se di: o agradecemento é a memoria do corazón. Así que, en  nome de Xalín e de toda a Comunidade Educativa do centro, mil grazas tanto a Librería Pedregal, como ao noso compañeiro Raúl e, por extensión, a súa banda. 

 Grazas, non so pola obras en sí, senon tamén por brindarnos esas palabras con tanto agarimo. 

Aproveitamos a ocasión, por suposto, para convidarvos a todos/as a vir a coñecer estas dúas marabillas á casiña de Xalín, á biblioteca.

 Non obstante, se a intriga vos fai cóxegas e non podedes agardar máis para gozar das aventuras, a obra de " É TEMPO DE ENTROIDO 2" podedes  vela  clicando tamén neste enlace: É Tempo de entroido      ou escoitar a canción escaneando o seguinte código QR. 

MIL GRAZAS, DE CORAZÓN!!

 Que emotivo e reconfortante é ver a ilusión e a maxia na mirada dos nosos nenos/as, mentres participan na selección de novas adquisicións para a biblioteca. 

Que un conto esperte este sentimento nos máis pequenos/as é o mellor dos triunfos ante a conmemoración do Día do Libro. Sen dúbida, un momento inesquecible e impagable para toda a comunidade educativa. 

 

21 DE MARZO

DÍA MUNDIAL DA POESÍA

Grazas ao Concello de Meira e a implicación de toda a comunidade educativa, este ano tomamos a decisión de darlle un impulso ao Horto Escolar, dentro do programa "Educación Saudable", convencidos da oportunidade que este brinda para traballar, ademais da alimentación sa, a Educación Ambiental.

O 21 de Marzo, coa idea de conmemorar o Día Mundial da Poesía e entrelazando ambas ideas e temáticas programamos a actividade "SACHANDO POEMAS". Nela os nenos/as puideron, a través desta arte literaria, estimular a súa imaxinación, expresar e recoñecer sentimentos e emocións, exercitar a memoria, ampliar o seu vocabulario....  

E como non, facernos vibrar e deleitarnos cos seus versos porque.."ao  contacto do amor, todo o mundo se volve poeta" (Plátón)

Esperemos que vos gusten tanto como a nós!