MEDRANDO COA LECTURA- A QUE SABE A LÚA?

 MEDRANDO COA LECTURA

O alumnado que participa no programa de Bibliotecas Solidarias visitou a semana pasada, o 28 de maio, aos meniños e meniñas da EEI, O Vermiño, de Meira, para contarlles e despois cantarlles a canción:  

                                                             A QUE SABE A LÚA?

Durante todo o curso os rapaces e rapazas do cole estiveron traballando por quendas no deseño da maqueta cos animais que interveñen. Despois, representaron o conto convertíndose nos diferentes personaxes e, finalmente, memorizaron e practicaron o acompañamento instrumental da canción infantil que leva por título o mesmo que o conto. A profe de música colaborou nos diferentes ensaios de toda a parte musical. 

Foi un día xenial, desprendeuse agarimo e tenrura dende o comezo da actividade ata o final. 

Aproveitamos este medio para dar as grazas a tod@s as persoas que o fixeron posible, especialmente aos bebés e a todas as persoas que traballan na escola infantil por brindarnos a oportunidade de compartir momentos e recibirnos tan xenerosamente, en todos os sentidos.