O trocacontos volveu á escola! Durante esta semana, o equipo de biblioteca, axudado por todo o persoal do cole, animou ao alumnado a traer libros para participar nesta actividade. Nas casas temos un montón de libros que xa lemos unha ou mil veces e cambiándoos cos compañeiros dámoslles a oportunidade aos demais de disfrutar igual que nós o fixemos. Hoxe aproveitamos a hora de ler para que os nenos e nenas do cole escolleran un novo libro para levar á casa. E agora... a disfrutar deles!
