CLUB DE LECTURA: LEO, LEO ....QUE LES?

 LEO, LEO...QUE LES?

Hoxe, 22 de Xaneiro tivo lugar a primeira cita lectora do Club de 3º e 4º de Ed. Primaria. Neste encontro o alumnado foi recibido por un montón de libros en roda que compartían algo moi significativo. Non tardaron demasiado en darse conta de que en todos aparecía o mesmo nome: EVA MEJUTO. 

Despois divididos en pequenos grupos leron un deles. Ao final da sesión cada grupo compartía en alto nunha actividade de expresión oral de que trataba o conto, chamándolles especialmente a atención o famosísimo Corre, corre cabaciña e o de Dez gatiñas viaxeiras, ao atoparse alí a Muralla de Lugo. 

Finalmente falamos do libriño que íamos a ler e das nosas tarefas para a seguinte xuntanza: lectura e expresión plástica. 

A Xalín xa lle tarda volvervos a ver!

CLUB DE LECTURA - LEO, LEO...QUE LES?

 CLUB DE LECTURA

LEO, LEO...QUE LES?

Comezamos o 2026 coa 1º reunión do Club de Lectura de 5º e 6º de Ed. Primaria.  Foi unha cita moi agardada,  con ganas de despexar intrigas arredor da obra que ían ler e as súas actividades. 

Así, onte, nese primeiro achegamento ao libro O día que choveron gatos, grata sorpresa se levaron cando descubriron que a autora xa os acompañara coas súas historias moitos anos. Foron medrando con ela e os seus contos. 

Deste xeito, comezaron co reto de atopar que tiñan en común todos os libros que se poden ver nas imaxes e que actualmente forman parte do catálogo de fondos da Biblioteca do centro, concluíndo que todos eran obras dunha mesma autora, Eva Mejuto.

Compartiron lecturas dalgúns deles e despois mergulláronse xa no que lles suxería a portada do libro que ían ler, nunha actividade de expresión creativa por grupos. 

E, case nun abrir e pechar de ollos, a xuntanza rematou, quedando convocados para o día  27 de Xaneiro  para seguir compartindo ideas e aprendizaxes a partir dunha lectura común. 

O vindeiro xoves, 22 reunirase o Club de 3º e 4º de Ed. Primaria. 

Non esquezades as nosas citas lectoras!

 Xalín está encantado de vervos a todos/as na súa casiña.