O 6 de maio alumnado do noso cole participou nun programa de O Radiovisual do Patrimonio de Ponte nas Ondas, dentro da campaña Territorio Cultura e en colaboración con Casa de Tolos. Nel a "escola sae ao encontro da memoria", da memoria dun patrimonio de relevo interxeracional e de transmisión de saberes e valores.
Así, no marco natural incomparable da área recreativa de O Chao do Pousadoiro en A Ribeira de Piquín, os nenos/as con raíces neste concello, xunto co periodista José Manuel Diego foron os encargados/as de entrevistar nada máis e nada menos que ao seu alcalde, Roberto Fernández Rico; a Bruno, o noso gran compañeiro gaiteiro de 6º de Ed. Primaria e a recoñecidísima familia Seivane.
Noventa minutos moi entretidos cargados de cultura, familia, tradicións, lembranzas, agarimo e moita, moita música como a famosa e fermosísima Muiñeira do Chao.
Deixámosvos o enlace para gozar do programa íntegro tanto no seguinte link como na cabeceira e unhas fotos que testemuñan o marabilloso día que pasamos nesta terra; berce de incalculable patrimonio.
PROGRAMA RADIOVISUAL A RIBEIRA DE PIQUÍN
Grazas a tod@s os que o fixeron posible e, especialmente, aos nenos/as locutores pola súa adicación, implicación e interese durante a preparación de cada unha destas entrevistas
No hay comentarios:
Publicar un comentario