VOLUNTARIADO
En Marzo, comezou a súa andaina o alumnado de 5º Ed. Primaria como voluntariado da Biblioteca Escolar. O obxectivo é estimular a cultura en relación coa lectura, favorecendo a formación de actitudes de colaboración e de solidariedade entre o alumnado.
Aquí os tedes en plena acción: participando activamente na montaxe e deseño dun mural para conmemorar o DÍA DA POESÍA.
Mil grazas, rapaces e rapazas, polo voso impecable traballo!!
ESPAZO MAKER
O 1 de Febreiro inaugurabamos, na casiña de Xalín, un novo recuncho, O ESPAZO MAKER. Un lugar para a creación, a imaxinación, o xogo....
Desde ese día moitos nenos/as non faltaron a súa inesquecible cita, medrando mentres resolvían puzzles individualmente,imaxinando novas figuras construindo legos, aprendendo habilidades sociais grazas a xogos en parellas (sempre respectando a norma de ser compañeiros/as de aula)...
Xalín non pode resistirse a sorrir cada día un pouquiño máis e xa está pensando en novos recursos para que os seus visitantes asistan con ilusións e motivacións renovadas... Se tes algunha suxerencia non deixes de escribirlle unha nota ou unha carta!! Seguro que estará encantado de ler as túas palabras!!
24 DE FEBREIRO- DÍA DE ROSALÍA DE CASTRO Cada ano, o 24 de Febreiro, conmemoramos o Día de Rosalía de Castro, a escritora galega máis universal cuxa obra segue mantendo intacta a súa viveza e forza, así como a súa universalidade. O noso alumnado rendiulle unha fermosa homenaxe a través dun emotivo recitado dos seus poemas, coa mirada cargada de ilusión e o corazón de bos sentimentos e sensacións. Un verdadeiro agasallo para os sentidos!!!
8M- DÍA INTERNACIONAL DA MULLER
Hoxe, 8 de Marzo, no Día Internacional da Muller, conmemórase no mundo a loita pola igualdade efectiva dos dereitos entre homes e mulleres.
Todos os nenos/as do Ceip Plurilingüe Poeta Avelino Díaz participaron na elaboración dun gran mural para rendirlle unha fermosa homenaxe a todas as mulleres loitadoras e traballadoras que teñen nas súas vidas e que os inspiran no día a día. Sen dúbida, son as que mellor representan o espírito do 8M.
Aportando as súas fotos, e como non podía ser doutro xeito moi orgullos@s das súas BISAVOAS, AVOAS, NAIS, IRMÁS, TÍAS, MADRIÑAS, CURMÁS... reivindicaron a necesidade dun mundo máis igualitario, onde homes e mulleres, nenos e nenas, teñan as mesmas oportunidades.
RECEITAS DE ENTROIDO
No Entroido a comida complementa á parte lúdica dos disfraces e á festa e temos como protagonistas principais "As Laconadas" e "Os cocidos" acompañados de todo tipo de doces: filloas, orellas, rosquillas, chulas, bicas....Os nosos nenos/as, axudados polas súas familias, decidiron facer unha magnífica recompilación de receitas típicas de entre o amplo abano que nos ofrece a gastronomía galega. A verdade é que Xalín, non sabe por cal decantarse, todas lle parecen tan apetitosas e saborosas... e vós? Deixámosvos unha pequena selección delas.Animádesvos a preparar algunha na vosa casiña?Se é así.... BO PROVEITO!!!
Xalín consciente da importancia do xogo no desenvolvemento cognitivo e social dos nenos/as pensou en habilitar un novo espazo na súa casiña. Así, esta semana inauguramos ese novo recuncho, un espazo maker, un espazo para o xogo e a construción. Un lugar onde crear, imaxinar, soñar e medrar.
A acollida por parte do alumnado do centro foi formidable.... Se ti aínda non puideches vir, anímate!!! Non podes perder esta oportunidade!!!
Deixámosvos algunhas fotos desta inesquecible estrea!!!
30 de XANEIRO - DÍA ESCOLAR DA NON VIOLENCIA E DA PAZ
"Debuxando un mundo en paz", así é como titulamos o mural de todo o centro educativo co que conmemoramos o Día da Ilustración e o Día Escolar da Non Violencia e a Paz.
Baixo este lema, e aproveitando a obra de Alfonso Daniel Rodríguez Castelao, pretendemos reflexionar sobre a necesidade de abrir a nosa mente, baleirala de prexuízos e enchela só de comprensión, empatía, respecto, diversidade e liberdade.
Construír un mundo mellor baixo as regras da tolerancia, solidariedade, altruísmo e amor é posible, non obstante, soamente o acadaremos co compromiso colectivo e a aceptación da responsabilidade individual na súa consecución.
GRAZAS A TOD@S POLO VOSO COMPROMISO!
Aquí vos deixamos algunhas fotiños...
O prometido é débeda, así que hoxe imos presentarvos a actividade que preparou Xalín para a conmemoración do mes da Ciencia: "ELABORACIÓN DE XABÓN". Imaxinades por que escolleu este experimento?
Seguro que nuns segundos atopades a resposta. So tedes que pensar na práctica cotiá que tod@s levamos a cabo para protexernos do coronavirus e que tanta importancia ten hoxe en día, máis que nunca.
Non obstante, dicirvos que todo este proceso foi posible grazas á familia de dúas alumnas do cole, Angela e Belén Basanta Rivas, quenes se brindaron a colaborar co centro dándonos a coñecer o segredo para a súa elaboración. Aproveitamos, de feito, dende este medio, para trasladarlle o noso reiterado agradecemento.
E sen máis deixámosvos coas fotos e vídeos que amosan o moito que gozaron os nen@s desta proposta, por, se ademais, vos queredes animar a probar na casiña!!!
Decontado traeremos máis novidades!!!
UN RATIÑO CON XALÍN. UN SORBO DE LECTURA NO PATIO.
Non hai mellor maneira de darlle a benvida a este 2021 que deixarse aloumiñar pola lectura nos tempos de lecer e mais, se cabe, hoxe no noso sollío patio. Grazas os voluntari@s de 6º por brindarse a participar nesta fermosa actividade e permitirnos a tod@s os oíntes soñar e viaxar con el@s.
A lectura é, sen dúbida, a chave universal que abre todas as portas... a auga capaz de mitigar a máis insaciable sede.
Deixádevos empapar deste sorbos tan fresquiños....
