CLUB DE LECTURA....

LEO, LEO...QUE LES???

Todos os lectores/as que pertencen aos diferentes grupos do  club de lectura  Leo, leo..que les? comezaron xa a súa  andaina nas profundidades das respectivas obras literarias e tiveron, nestas 2 últimas semanas, a oportunidade de compartir cos compañeiros/as as primeiras impresións e sensacións. 

Nestas reunións do club as actividades levadas a cabo xiraron sobre eixos diversos: dende a análise textual,  pasando pola reflexión arredor da intención do autor, a creación de textos alternativos e ata a expresión escrita e oral de sentimentos persoais espertados trala lectura. 

A viaxe continúa mentres a emoción medra á espera de novas experiencias compartidas. 

Ata pronto!!

                                                                CLUB DE LECTURA:

                                                               LEO, LEO....QUE LES??

 Esta semana o alumnado de 6º de Ed. Primaria tivo a súa cita inaugural do Club de Lectura: Leo, leo ...que les? 

Nela mergulláronse na emotiva e conmovedora obra de Eloy Moreno, Invisible. Unha historia que emprega a fantasía como motor narrativo e que inevitablemente convida dende as primeiras ata as súas últimas liñas á reflexión e á visibilización sobre un dos problemas máis importantes da sociedade actual.  Lectura que estamos seguros non vai deixar a ningún lector/a indiferente. 

 Un mundo mellor é posible!!! 

Parabéns ao alumnos  e alumnas de 6º pola formidable acollida da obra!!

 

 DÍA DA PAZ

O 30 de xaneiro está dedicado a conmemorar nos centros educativos unha cultura de non violencia e de paz. 

O Día da Paz, pola súa temática xeral, pódese traballar desde distintos ámbitos. Nós, este ano, quixemos partir da lectura do libro " El poder de las palabras" Aprendiendo a ser feliz (Soledad Carmona e Paco Ortega)  para facer unha análise do poder que teñen as palabras, da maxia que teñen para cambiar o noso día a día. Estas palabras "poderosas" foron as que os alumnos e alumnas  plasmaron en cadansúa botella, coas que posteriormente elaboramos un mural. 

Por último, conxuntamente cantamos e bailamos a canción " Baile da Paz"de Mamá Cabra, para poñer o broche final á xornada. 

Apostemos tod@s por unha linguaxe positiva que constrúa, que sume e que nos faga máis felices....todos os días do ano. 

 

                                                                            NOVIDADES  😉😉😉😉😉😉😉😉😉!!!!!

       Días atrás os voluntarios e voluntarias da Biblioteca estiveron montando algunha cousa.

 

E, por fin, estes días inauguramos un novo recanto na biblioteca: 

Mirade o que nos mandou Xalín para darnos a coñecer o recanto: 

A idea deste recanto é investigar e crear sobre algún tema de interese nestes primeiros días de ano. Investigaremos sobre o fantástico mundo das aves. Alí poderemos atopar libros, contos, enciclopedias e xogos para investigar, e material artístico para crear.

Xa vos iremos amosando todo o que aprendemos e facemos! 

Ata pronto. 

CLUB DE LECTURA

                                            CLUB DE LECTURA: LEO, LEO....QUE LES?

Camiña sempre pola vida como si tiveses algo novo que aprender e faralo. 

Vernon Howard.

 

A entrada do novo ano trouxo consigo novos propósitos e horizontes.

 Entramos así no 2022 dándolle a benvida ao club de lectura LEO, LEO...QUE LES? 

As primeiras sesións, as citas inaugurais, dos grupos de 3º, 4º , 5º e proximamente 6º espertaron no alumnado un amplo abano de emocións e sentimentos positivos; dende a ilusión, a intriga, a esperanza, pasando pola maxia e a curiosidade ata a atracción e motivación pola lectura. 

Neste senso, cabe destacar que un club de lectura reporta innumerables beneficios: 

- Ler en compañía divirte, multiplica os matices e expande horizontes. 

- Fainos coñecer diversos puntos de vista, potenciando a empatía.

- Ábrenos os ollos fronte a xéneros literarios que tal vez non nos asomaramos por iniciativa propia. 

- Permite aprender e desenvolver habilidades sociais e comunicativas para a vida persoal. 

Son tanto, deste xeito, as vantaxes que ofrece como as actividades que nel se poden desenvolver. Deixámosvos coa reportaxe gráfica das sesións de apertura do CLUB.  (Fai clic no enlace)

 Club de Lectura: 3º As viaxes de Ruki. 

Club de Lectura 4º: Pan con chocolate

Club de Lectura 5º: Douche a miña palabra. 

Lembrade que mensualmente irémosvos contando novos capítulos desta fascinante aventura. 

Deica logo!!

 MOCHILAS VIAXEIRAS

Os libros gustan da viaxe e da sorpresa, agardan nos andeis ou nos expositores por esa man que, ao abrilos, poña en funcionamento a maxia da lectura. 

(Bibliotecas  Escolares de Galicia)

E esa maxia foi a que impulsou a Xalín a preparar as MOCHILAS VIAXEIRAS  para o alumnado de 1º a 6º. Non obstante, moi atentos/as porque proximamente o alumnado de Infantil gozará tamén desta fabulosa iniciativa coas súas BOLSAS VIAXEIRAS      que contarán ata con moitas máis sorpresas se cabe. 

E chámanse así, porque adoran viaxar dun fogar a outro e agasallar con momentos para compartir en familia.  Pero, non vaiades a pensar que so hai lecturas, tedes tamén CDs para cantar e bailar, para aprender novas linguas e mesmo un caderno para debuxar ou expresar as vosas sensacións, sentimentos, emocións, vivencias... É dicir, que podedes vós tamén viaxar coa imaxinación sen saír da casa a calquera parte do universo. 

Deixádevos levar por esa maxia!!! Feliz viaxe a tod@s!

 

VOLUNTARIADO COLABORANDO CO MANTEMENTO  DA BIBLIOTECA ESCOLAR

O voluntariado de 5º  estivo colaborando na montaxe duns carriños para unha actividade que se vai comezar a desenvolver no centro nas vindeiras semanas. Este alumnado con gran compromiso e disposición aceptou o reto desta proposta STEAM sendo moi fructífero o seu traballo. 

Aproveitamos este medio para trasladarlles a tod@s, tanto de parte de Xalín, como de todo o equipo da Biblioteca escolar, o agradecemento pola súa impliciación e cooperación. 

GRAZAS POLO VOSO MAGNÍFICO TRABALLO. ✌

 

CREANDO EXPECTATIVAS. 

RECANTOS EN CONSTRUCIÓN

 

Xalín e o seu equipo de biblioteca, preocupados por atender todas as necesidades e intereses dos nenos e nenas, están a construír diferentes recantos, é dicir, espazos, repartidos polo colexio para dar resposta a todas as demandas que van chegando. 

Estade moi atentos/as  porque pronto descubriredes a finalidade e uso de cada un deles. De feito, vós tamén podedes aportar suxerencias ou propostas se así o considerades ou se botades en falta algo que vos gustaría. 

Queremos que sexa un colexio integrador, aberto e dinámico; con proxectos e iniciativas diversas onde tod@s poidades satisfacer as vosas curiosidades, motivacións e ganas de aprender. 

Prestade moita atención a todo o que vai ir xurdindo....Agardade pacientes polas novidades!!!

SEGUIMOS TRABALLANDO!!

Ata pronto!

 25 DE NOVEMBRO DÍA CONTRA A VIOLENCIA DE XÉNERO

Amar é ante todo respectar, dar ás para voar e motivos para quedarse;  camiñar en paralelo perseguindo soños, sumar mais nunca restar. Aceptar e respectar que cada un ten dereito e liberdade para escoller a súa felicidade é un obxectivo  que so a través da educación esperemos algún día poidamos acadar de verdade. Homes e mulleres debemos aprender a convivir compartindo sorrisos, en ningún caso, provocando bágoas. 

Para que algún día se acabe todo este pesadelo, alumn@s e mestr@s manifestámonos o 25 de novembro. No acto os nenos/as de 5º alzaron a súa voz por todos nós lendo un manifesto de  rexeitamento ante calquer forma de violencia e convidádonos a todos á reflexión para un cambio real. 

Así mesmo, todas as aulas participaron na elaboración dun mural conmemorativo froito da lectura e análise común do libro  Nin un biquiño á forza de Marion Mebes. Bicos e palabras encheron esta obra cun único obxectivo: loitar para que a violencia de xénero chegue, dunha vez por todas, ao seu fin.

Aquí podedes ver o acto de manifestación: 

NUNCA MÁIS!!!

 

   MES DA CIENCIA CON XALÍN

 Aos nen@s, dende o momento do seu nacemento, móveos a curiosidade  e a necesidade de experimentar. A ciencia permite alimentar esa curiosidade á vez que facilita aprendizaxes moi valiosas e significativas. A través dela poden facer observacións, recompilar informacións, formular preguntas e usar o pensamento lóxico para sacar conclusións. 

NOVEMBRO é o mes da Ciencia e Xalín non quixo perder a oportunidade de convidar a tod@s os máis peques a deixarse levar pola maxia da ciencia. 

A invitación foi acollida con moito entusiasmo e para proba deixámosvos un vídeo resumo das  formidables experimentacións levadas a cabo grazas a participación activa de tod@s. 

Animádevos a convertirvos toda a familia en científic@s ! Hai todo un mundo por descubrir!

Club de Lectura

 

                    CLUB DE LECTURA: LEO, LEO....QUE LES?

 

Camiña sempre pola vida como si tiveses algo novo que aprender e faralo. 

Vernon Howard.

 

A entrada do novo ano trouxo consigo novos propósitos e horizontes.

 Entramos así no 2022 dándolle a benvida ao club de lectura LEO, LEO...QUE LES? 

As primeiras sesións, as citas inaugurais, dos grupos de 3º, 4º , 5º e proximamente 6º espertaron no alumnado un amplo abano de emocións e sentimentos positivos; dende a ilusión, a intriga, a esperanza, pasando pola maxia e a curiosidade ata a atracción e motivación pola lectura. 

Neste senso, cabe destacar que un club de lectura reporta innumerables beneficios: 

- Ler en compañía divirte, multiplica os matices e expande horizontes. 

- Fainos coñecer diversos puntos de vista, potenciando a empatía.

- Ábrenos os ollos fronte a xéneros literarios que tal vez non nos asomaramos por iniciativa propia. 

- Permite aprender e desenvolver habilidades sociais e comunicativas para a vida persoal. 

Son tanto, deste xeito, as vantaxes que ofrece como as actividades que nel se poden desenvolver. Deixámosvos coa reportaxe gráfica das sesións de apertura do CLUB.  (Fai clic no enlace)

 Club de Lectura: 3º As viaxes de Ruki. 

Club de Lectura 4º: Pan con chocolate

Club de Lectura 5º: Douche a miña palabra. 

Lembrade que mensualmente irémosvos contando novos capítulos desta fascinante aventura. 

Deica logo!!

  A paixón polos libros fainos a todos/as máis soñadores, creativos, empáticos e sobre todo máis libres e felices. 

Non hai maior pracer que abrir un libro e quedar enfeitizado, perdendo a noción do tempo namentres devoramos páxinas e páxinas creando ata lazos de amizade e afinidade coas personaxes.

Espertar sentimentos e facernos voar é un poder ao alcance de moi poucos medios hoxe en día. 

Que o noso alumnado participe con tanto afervoamento na escolla das novas adquisicións para fondos de Plambe e Biblioteca Inclusiva é o maior orgullo que Xalín pode e poderá sentir xamais. 

Noraboa rapaces e rapazas! Agora deixádevos levar; agárdanvos irrepetibles viaxes!

  XALÍN RECIBE UNHA VISITA MOI, MOI ESPECIAL

Xalín ten dúas grandes afeccións: a lectura e os nenos/as.  Sempre está desexando que pasen os meses estivais para  convidar a todo o alumnado  á súa casiña porque lle encanta sentirse arroupado polos peques do cole. 

Pero diríamos que hai unha visita coa que se derrite completamente cada ano:  a 1º vez que os nenos e nenas de 3 aniños o van ver, e polo tanto, se coñecen mutuamente. É tanta a emoción que o embarga que  tarda uns días en recuperarse e non pode resistirse a darlles un agasallo para que volvan  canto antes. 

As fotografías teñen o poder de facer que os momentos especiais poidan perdurar no tempo á vez que permiten ser compartidos. Así que, aquí vos deixamos unhas cantas dese día moi especial para ambas partes.  O sorriso dos máis peques non dá lugar a dúbidas, unha experiencia inesquecible !!!

Ata moi prontiño!

LECER CON XALÍN

 A biblioteca escolar é un elemento esencial de calquera estratexia educativa que persiga o desenvolvemento integral dunha persoa.  Dinamizar todos os seus recursos, especialmente nos tempos de lecer,  é un dos retos que con máis ilusión afrontamos. 

Ver aos nosos nenos/as gozar e aprender mentras experimentan, aprenden e socializan é das experiencias máis enriquecedoras que vivimos estos días coa apertura da biblioteca do noso centro escolar.

 Observar como espremen o tempo ata o último minuto é o gran sinal do éxito da acollida de todas as iniciativas que propoñemos para estes momentos: lectura, xogo, creación, debuxo....

As imaxes falan por sí soas.... 

Lembrade que Xalín espéravos sempre cos brazos e as portas abertas!

   FELIZ VOLTA AO COLE!!!

"Nós temos a palabra" foi o lema co que inauguramos este prometedor curso escolar 2021/2022. Xalín convidou aos nenos e nenas a participar nesta iniciativa, reflexionando sobre a importancia e o valor da palabra, e da oralidade no seu conxunto.

  A palabra permítenos ás persoas entendernos, expresar sentimentos, empatizar, socializar, debatir.... sendo así a linguaxe unha ferramenta imprescindible para cambiar o mundo. Non cabe dúbida, por tanto, que a biblioteca escolar é un espazo social de encontro para o diálogo, o pensamento, a imaxinación e a aprendizaxe compartida.

Perseguindo este obxectivo os nenos e nenas plasmaron nun mural colectivo palabras significativas cargadas de emoción, sinceridade, realidade e ilusión.

Aquí vos deixamos a marabillosa obra artística!!

 

E antes da despedida compartimos con todos e todas vós a preciosa ilustración do artista visual, Pablo Otero, cartel que acompaña ao lema das Bibliotecas Escolares de Galicia "A biblioteca escolar ten a palabra".  Iniciativa da que partimos e lema que compartimos.

 

 

Ata pronto!!!

INGLÉS 4 ANOS

 NUMBERS 1-3

NUMBERS 1-3 SONG

NUMBERS 1-5

NUMBERS 1-5

HELLO SONG

INGLÉS 3 ANOS

 HELLO SONG

HELLO WITH MATT

NUMBERS SONG 1-3

NUMBERS 1-3

INGLÉS 2º

 WELCOME TO SCHOOL😃

SONGS

•  HELLO SONG
•  NUMBERS 1-10

• NUMBERS 1-20
  

• NUMBERS 1-10
  

• HOW ARE YOU
  

• NUMBERS ACTIVITY
  

• NUMBERS REVIEW
  

• COLOURS REVIEW ACTIVITY
  

• WRITE THE COLOURS ACTIVITY
  

• COLORS REVIEW ACTIVITY
  

Inglés 1º

 WELCOME TO SCHOOL😄

HELLO SONG

DAYS OF THE WEEK SONG

NUMBERS 1-10

NUMBERS 1-20

HOW ARE YOU TODAY?

COLORS ACTIVITY

 ALIMENTACIÓN SAUDABLE

 HORTO ESCOLAR

  Despedimos este curso presentándovos as fichas técnicas elaboradas polo alumnado a partir das investigacións  sobre algúns dos produtos  plantados no noso Horto Escolar: chícharos, leitugas, patacas, perexil, amorodos... 

Os nenos e nenas mimaron con paixón todas as súas plantacións, acompañando o seu  crecemento con moitísima ilusión. Ademais traballaron en equipo, amosaron interese no coidado do medio ambiente e reflexionaron sobre a importancia da alimentación sa e equilibrada.

  

Sen dúbida, foi un proxecto reconfortante con moitas vantaxes e beneficios para toda a comunidade educativa e que continuaremos, co mesmo entusiasmo, o vindeiro curso. 

FELIZ E SAUDABLE VERÁN PARA TOD@S!